Aðalfundur Veiðifélags Jöklu fór fram á Skjöldólfsstöðum 24. apríl. Flestir fundarmenn voru á staðnum en nokkrir veiðiréttarhafar sátu fundinn gegnum fjarfundabúnað. Halla Eiríksdóttir og Lárus Brynjar Dvalinsson voru endurkjörin í stjórn til næstu 3ja ára og varamenn til eins árs verða áfram: Agnar Benediktsson, Þorsteinn Gústafsson og Stefanía Karlsdóttir. Samþykkt var á fundinum að fullar leigugreiðslur yrðu innheimtar fyrir árið 2020 og að arðgreiðslur fyrir 2020 og 2021 yrðu 60% af leigutekjum og greiddar í einu lagi fyrir árslok.

Aðalfundurinn samþykkti samhljóða viðauka við gildandi leigusamning við Strengi sem felur í sér að gildistími samnings lengist um fimm ár og nær til árslok 2031 í stað 2026. Grunngjald leigu mun í framhaldinu hækka um 100% árið 2022 til viðbótar við samningsbundnar hækkanir. Nýtt samkomulag um leigugjald verður gert 2026. Þessi samningsviðauki er forsenda þess að leigutaki fari í frekari framkvæmdir við veiðihúsið í Hálskoti til að auka gistirými og bæta alla aðstöðu veiðimanna. Markmiðið er að áin verði tólf stanga veiðisvæði frá og með sumri 2022.

Aðalfundargerð er aðgengileg undir fundargerðum.